Institucional

venres 20 de outubro de 2017

As dependencias da Reitoría na rúa Oporto acolleron o II Encontro Bilateral

Con representantes de nove institucións académicas

Vigo acolleu este venres o segundo encontro bilaterial entre os institutos federais do Brasil e a Universidade de Vigo Dezaseis representantes de institutos federais do Brasil mantiveron esta venres un encontro bilateral con representantes da Universidade de Vigo na procura de xerar sinerxías, principalmente no eido do doutoramento. Esta xuntanza toma a remuda da mantida en 2016 no campus de Vigo, que xorde da necesidade destas institución brasileiras de chegar a acordos con universidades para formar aos seus futuros doutores e doutoras. E é que os institutos federais non poden ofertar programas de doutoramento, polo que as súas e os seus egresados deben cursar estes estudos noutras institucións académicas. Ademais, teñen especial interese en poder ofrecer aos seus titulados a posibilidade de matricularse nun doutoramento europeo, que lles permita no futuro ser docentes neste continente.

xoves 19 de outubro de 2017

A través de dous comités dirixidos polos catedráticos Emilio Fernández e Dolores Garza

Unha trintena de investigadoras e investigadores de centros galegos integran os grupos de traballo

Foto de familia das e dos integrantes dos comit O Auditorio Mar de Vigo acolleu este mediodía o acto de presentación dos comités, coordinados pola Universidade de Vigo, que proveerán ao concello vigués dos argumentos científicos e económico-sociais da candidatura das Illas Cíes a patrimonio da humanidade da Unesco. Unha trintena de investigadoras e investigadores das tres universidades, centros e institucións galegas conforman os comités científico, coordinado polo catedrático Emilio Fernández e o económico-social, dirixido pola tamén catedrática da institución académica viguesa Dolores Garza e aos que se suma un terceiro comité técnico, conformado por persoal municipal. O alcalde de Vigo, Abel Caballero, e o reitor da Universidade de Vigo, Salustiano Mato, presidiron a presentación dos grupos de traballo, integrados, segundo Mato “polas e polos mellores para determinar o rumbo para protexer as Illas Cíes.

mércores 18 de outubro de 2017

O centro acolleu un minuto de silencio ao que se sumaron centos de membros da comunidade universitaria

Varios centos de persoas participaron no minuto de silencio Pesar polas tráxicas consecuencias da vaga de lumes que tanto Galicia como o norte de Portugal e Asturias padeceron nos últimos días e repulsa fronte a aqueles que o causaron. Estes dous sentimentos confluíron no mediodía deste mércores ás portas da Facultade de Ciencias da Educación e do Deporte, que acolleu un minuto de silencio ao que se sumaron centos de estudantes, docentes e membros do persoal de administración e servizos, tanto deste centro como doutras facultades do campus. “Queremos amosar o noso rexeitamento e repulsa a quen está agredindo a nosa terra”, salientou o decano, Vicente Romo, no inicio do acto.

mércores 18 de outubro de 2017

A Feira Internacional de Emprego Universitario chegará a Vigo os días 24 e 25 de outubro

Vista dalgúns stands da Finde.U en Porto O centro de congresos de Exponor en Porto acolle ata hoxe a Feira Internacional de Emprego Universitario, Finde.U, que terá continuidade os vindeiros 24 e 25 de outubro no Ifevi de Vigo. A feira organizada polas universidades de Vigo, Porto e Tras-Os-Montes ten o obxectivo de achegar a oportunidade ao seu alumnado e egresadas e egresados de manter un contacto directo con empresas que demandan talento universitario. Ofertas de emprego, prácticas, bolsas ou traballos ocasionais; procesos de selección a medio e longo prazo; entrevistas ás e aos candidatos seleccionados e sesións informativas e obradoiros, conforma a oferta que a Finde.U.

luns 16 de outubro de 2017

As clases reanudaranse este martes trala suspensión de hoxe

As clases reanudaranse este martes trala suspensión de hoxe

Imaxe do campus  vigués esta mañá Despois que as lapas, que nas últimas horas ameazaron o campus de Vigo, se achegasen a tan só 400 metros dos terreos sobre os que se asenta a institución académica, a Universidade de Vigo recupera hoxe a normalidade, á espera de que mañá martes se reanuden as clases, suspendidas trala decisión adoptada polo equipo de Goberno na tarde do domingo. A proximidade das lapas, que na tarde de onte afectaron ao Galiñeiro, Zamáns e á avenida Clara Campoamor sumada á incerteza da súa evolución por mor do vento, levaron ao equipo de Goberno, dirixido por Salustiano Mato, que estes días se atopa en Cabo Verde, desde onde seguiu en todo momento a evolución dos acontecementos, a acordar a evacuación do campus de Vigo e moi especialmente á da residencia de estudantes, ocupada nese intre por uns 65 alumnas e alumnos, que foron trasladados nun autobús municipal a un hotel do centro de Vigo.

luns 16 de outubro de 2017

Ata este venres, poden depositarse nos centros de campus aparellos eléctricos e electrónicos

Enmarcada no proxecto Green Campus, a actividade busca concienciar da correcta xestión destes residuos

Enmarcada no proxecto Green Campus, a actividade busca concienciar da correcta xestión destes residuos Os RAEE, residuos de aparellos eléctricos e electrónicos, constitúen tanto unha lista de dispositivos presentes nun amplo número nos fogares e centros de traballo como uns materiais contaminantes que precisan dun tratamento adecuado e que non deberan rematar nos colectores do lixo. Partindo desa idea, a Vicerreitoría do campus impulsou, hai dous anos, dentro do proxecto Green Campus, a Semana de Recollida de RAEE, que este luns dá comezo á súa quinta edición instalando puntos de recollida nas diferentes facultades e escolas do campus pontevedrés, así como na Casa das Campás e no Pavillón Universitario.

domingo 15 de outubro de 2017

Comunicado urxente co gallo da vaga de lumes

Ante a situación de emerxencia ocasionada polos lumes que afectan a Vigo e a súa contorna e dado o agravamento experimentado nas ultimas horas, a Universidade de Vigo acorda suspender a actividade docente este luns 16 de outubro no campus de Vigo. A Universidade informa que as instalacións do campus universitario vigués nestes momentos non están a resultar afectadas polo lume.

mércores 11 de outubro de 2017

A proba HELA foi elixida pola Universidad de Granada para acreditar aos seus docentes

Este mes desprazouse a Andalucía persoal do Centro de Linguas para examinar alí a 36 persoas

Os docentes do Centro de Linguas acompañados pola directora de Política Lingüística da Universidad de Granada, Carmen Caballero (segunda pola esquerda) A proba HELA -Higher Education Lecturing Accreditation- da Universidade de Vigo, que acredita ao profesorado para a docencia en inglés, foi a elixida pola Universidad de Granada para realizar a acreditación do seu profesorado, solicitando, ademais, que fose o propio persoal do Centro de Linguas da institución académica viguesa o que se desprazase ata Andalucía para examinar alí aos 36 docentes que participaron nesta primeira convocatoria de exames da UGR. Granada convértese así no primeiro centro de ensino superior en adoptar a proba viguesa como acreditación oficial, pero o interese por este sistema chegou xa dende diferentes universidades, tanto españolas como estranxeiras.

martes 10 de outubro de 2017

O manuscrito coas cantigas de Martin Codax poderá visitarse ata marzo de 2018 no Museo do Mar

Medio cento de pezas de entre os séculos XIII ao XX integran a mostra ‘Un tesouro en sete cantigas’

O presidente da Xunta e o reitor presidiron o acto Dende hoxe e ata o vindeiro 4 e marzo de 2018 o Pergamiño Vindel amosarase por primeira vez en Galicia. Trala súa localización a principios do século XX por parte do libreiro madrileño Pedro Vindel e a súa adquisición por parte da Morgan Library en 1977, o manuscrito que contén as sete cantigas de amigo do trobador Martin Codax poderá ser admirado polo público á beira do mar de Vigo que o inspirou hai 800 anos. O presidente da Xunta, Alberto Núñez Fejióo, e o reitor da Universidade de Vigo, Salustiano Mato, foron os encargados de inaugurar esta tarde Un tesouro en sete cantigas, a exposición que, co Pergamiño Vindel como elemento central, amosa medio cento de pezas, a maior parte delas de arte sacro, de entre os séculos XIII ao XX, complementadas con obras de artistas galegos contemporáneos e estruturadas a partir de cada unha das sete cantigas compostas por Codax.

luns 9 de outubro de 2017

“A prioridade era eliminar a bolsa de interinos”, asegurou o reitor trala aprobación no Consello de Goberno

A estas engadiríanselle entre sete e 22 prazas máis de catedrática e catedrático

A oferta de emprego público do persoal docente e investigador da Universidade de Vigo para este ano 2017 contempla a convocatoria dun total de 34 prazas O primeiro Consello de Goberno do curso 2017-2018 deu luz verde este mediodía aos criterios para a elaboración da oferta de emprego público do persoal docente e investigador da Universidade de Vigo para este ano 2017, que contempla a convocatoria dun total de 34 prazas. Do total da oferta, 22 prazas de profesorado permanente correspóndenlle este ano á Universidade por taxa de reposición, ao que se engade este ano unha chamada taxa adicional, que contempla o 90% das prazas que estean dotadas orzamentariamente e leven ocupadas máis de tres anos consecutivamente, que no caso da institución viguesa suman 12. Ademais, das 34 prazas que poden ser convocadas este 2017, tres deben, necesariamente ser reservadas para persoas que remataron o seu contrato Ramón y Cajal e das 31 restantes, 24, para prazas que estean neste intre ocupadas interinamente e as outras sete, para funcionarización, isto é para pasar de profesora ou profesor contratado doutor a profesora ou profesor titular de universidade.
Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000 | informacion@uvigo.es            Accesibilidade | Mapa web | Aviso Legal