Investigación

venres 13 de abril de 2018

DOMAR suma sete universidades galegas e portuguesas, ademais do CSIC e IEO

O programa de doutoramento de Campus do Mar refórzase coa incorporación da Universidade de Porto

Desde o seu inicio, no curso 2012-2013, o programa superou os 200 estudantes

Desde o seu inicio no curso 2012-2013 o programa superou os 200 estudantes

Seis anos tiveron que pasar para que a incorporación da Universidade de Porto ao programa de doutoramento de Campus do Mar se fixese realidade. DOMAR, o programa de doutoramento in Marine Science, Technology and Management, arrancou en 2012 e, aínda que ao longo destes anos as universidades e centros de investigación que o impulsan mantiveron unha estreita colaboración coa institución académica pública máis grande de Portugal, non foi ata hai uns días que a Axencia para a Calidade do Sistema Universitario Galego, Acsug, verificaba a entrada de Porto no programa de doutoramento de Campus do Mar.

xoves 12 de abril de 2018

A investigación foi realizada desde a Escola Universitaria de Enfermaría de Ourense

Un estudo amosa a eficacia terapéutica da auga mineromedicinal das Burgas en pacientes con fibromialxia

As súas autoras destacan que se trata do primeiro traballo científico deste tipo

A investigación foi realizada desde a Escola Universitaria de Enfermaría de Ourense

Este xoves as investigadoras da Escola Universitaria de Enfermaría do campus de Ourense Natalia Calvo e Reyes Pérez presentaron no Concello de Ourense o estudo Eficacia das augas mineromedicinais en pacientes con fibromialxia. Estudo As Burgas. Nel, salientan, constátase “a eficacia terapéutica” das augas desta piscina termal con estes pacientes. Recalcando como se trata do primeiro traballo científico que avalía esta eficacia, as autoras da investigación destacan entre os seus resultados como “se observa unha melloría importante da sintomatoloxía nestes pacientes e que estes efectos beneficiosos mantéñense máis de seis meses despois de finalizar os baños”.  

xoves 12 de abril de 2018

No II Congreso Internacional Aeronáutico e Espacial

Industria, universidade e administración debaten en Vigo sobre o futuro aeronáutico e espacial de Galicia

A cita serviu como lugar de encontro para buscar novas oportunidades de negocio

Un intre da apertura do congreso

Industria, universidade e administración debateron esta mañá en Vigo sobre o futuro aeronáutico e espacial de Galicia e fixérono no segundo congreso anual dun sector que durante os últimos anos moveu en Galicia arredor de 100 millóns de euros en investimentos e cuxas expectativas de crecemento para os vindeiros anos son moi positivas. A apertura da xornada estivo presidida por Enrique Mallón, presidente do Consorcio Aeronáutico Galego.

xoves 12 de abril de 2018

O profesor estadounidense Fritz Kleinhans foi o primeiro poñente deste 2018

Un relatorio sobre o uso do láser para desconxelar embrións criopreservados abre unha nova edición de Café con Sal

O obxectivo do ciclo é ser punto de encontro entre investigadores, estudantes e profesionais do sector do mar

O profesor estadounidense Fritz Kleinhans foi o primeiro poñente deste 2018

A edición 2018 do ciclo de conferencias Café con Sal arrancou este xoves coa criopreservación como tema central. Este programa de relatorios, posto en marcha polo Centro de Investigación Mariña da Universidade de Vigo en 2011, conta coa colaboración do Campus do Mar e trata de ofrecer un punto de encontro entre persoal investigador, estudantes e profesionais do sector do mar co fin de compartir coñecementos, xerar debates e novas ideas que sirvan de xermolo de posibles colaboracións.

mércores 11 de abril de 2018

Na 14 edición dun congreso internacional que se desenvolverá entre o 3 o 5 de maio no Pazo da Cultura

Profesionais de oito países afondarán en Pontevedra nas últimas tendencias en deporte e saúde

Con preto de 250 asistentes confirmados, no evento presentaranse tamén máis de 100 investigacións

Arufe, Riveiro e García Soidán

Co prazo de inscrición aberto ata o 29 de abril, o 14 Congreso Internacional de Ciencias do Deporte e a Saúde ten ata a data confirmada a participación de preto de 250 profesionais e investigadores, procedentes tanto dos diferentes puntos do Estado como de Colombia, Alxeria, Costa Rica, México e Portugal, aos que se suman ademais relatores e relatoras procedentes de diferentes universidades españolas e tamén de Cuba e Brasil. Todos eles reuniranse entre o 3 o 5 de maio no Pazo da Cultura para participar nunha nova edición dun evento no que se presentarán máis dun cento de traballos de investigación.

mércores 11 de abril de 2018

A tese de Román Padín, a primeira en español sobre este tema, analiza máis de 500 exposicións

En menos de 50 anos, a moda pasou dun acceso reducido a unha importante presenza nos museos

No século XXI, deixou de ser avaliada polo seu valor antropolóxico para ser vista como unha manifestación cultural

Imaxe da exposición 'The Art of Fashion', celebrada no Boijmans Museum de Rotterdam

O século XXI “non só trae unha presenza da moda en todos os ámbitos da nosa vida”, tamén leva a moda aos museos “de modo masivo, convertendo algunha das exposicións de moda nas máis valoradas e visitadas polo público”, explica o profesor de Esdemga Román Padín. Na tese de doutoramento que defendeu na Facultade de Belas Artes, a primeira en español sobre esta materia, o investigador documenta a partires do estudo de máis de 560 exposicións como a vestimenta pasou, en menos de 50 anos, de ter un “acceso reducido” ás institucións museísticas, limitado ao seu valor histórico ou antropolóxico, a ser entendida “como unha expresión cultural e frecuentemente tamén artística”.

martes 10 de abril de 2018

85 colexios de España e Suramérica porán a proba aos especialistas a través de internet

A investigadora de ReXenMar María Fernández representará á Universidade na iniciativa de divulgación 'Somos Científicos'

30 expertos e expertas de todo o Estado divididos en bloques temáticos, responderán ás preguntas dos escolares

María Fernández, a única representante galega na iniciativa Somos Científicos

Como serán os peixes que comeremos no futuro? A esta pregunta tratará de responder a investigadora de ReXenMar (Marine Genetic Resources lab) María Fernández na iniciativa Somos Científicos. Sácanos de aquí. Ela será a única representante galega nun programa de divulgación científica organizado por Fecyt e La Caixa entre o 16 e o 27 de abril no que 85 centros de ensino de España e Sudamérica porán a proba a 30 científicos e expertos en diferentes áreas. Divididos en zonas temáticas, estudantes de entre 10 e 18 anos interactúan con científicos e científicas a través de internet, desafiándoos a través de chats, preguntando todo o que se lles ocorra e votando para elixir a científica ou científico favorito, que ganará 500€ destinados a divulgar o seu traballo.

luns 9 de abril de 2018

O obxectivo é intentar frear a súa expansión agora que esta especie vai deixar de invernar

Investigadoras do campus únense a bombeiros e apicultores para informar nas asociacións veciñais sobre a avespa velutina

A iniciativa foi presentada este luns no Concello de Ourense

A iniciativa foi presentada este  luns no Concello de Ourense

A avespa velutina está a piques de deixar de invernar e van a comezar a aparecer os chamados niños primarios que, situados a nivel baixo, serán o primeiro paso para a súa expansión. De cada unha das primeiras raíñas que agoran esperten sairán arredor de 20.000 obreiras e unha decena de raíñas para crear os chamados niños secundarios. Este luns presentouse no Concello de Ourense unha campaña que baixo o lema Stop Velutina intentará, coa participación de investigadoras do campus, contribuír a frear a expansión desta especie invasora informando sobre ela nas asociacións veciñais da cidade.  

luns 9 de abril de 2018

Máis de 700 científicos de 90 países elaborarán ata 2022 o informe do panel intergubernamental da ONU

Elena Ojea e Xavier Labandeira converten Vigo na única universidade española con dous participantes no 6º informe do IPCC

Ojea estréase como autora principal dun capítulo e Labandeira, que repite, participa como revisor editor

Os investigadores da Universidade de Vigo Elena Ojea e Xavier Labandeira

A Universidade de Vigo será a única institución española con dous investigadores dun total de 14, oito homes e seis mulleres, que participarán na elaboración do Sexto Informe do Panel Intergubernamental da ONU sobre cambio climático (IPCC). Á confirmación o pasado mes de febreiro do catedrático Xavier Labandeira, que repite desta volta como revisor editor, sumábase nas últimas horas a da investigadora Elena Ojena, que lidera na Universidade de Vigo o proxecto Climate Adaptation to shiffting stocks, Clock, a través do programa Starting Grant do Consello Europeo de Investigación. “Para min profesionalmente é un gran paso e unha oportunidade”, explica Ojea.

xoves 5 de abril de 2018

O Foro Económico presentou hoxe en Vigo o documento ‘Turismo rural: diagnose de propostas’

O turismo rural en Galicia precisa dunha reordenación baseada na especialización territorial e temática

O traballo está coordinado polos docentes da Universidade Elisa Alén e Miguel Rodríguez

Miguel Rodríguez e Elisa Alén (primeiros pola esquerda) son os autores do documento

A análise da situación actual do turismo rural en Galicia e unha serie de proposta de actuación para garantir o seu futuro centran o último documento elaborado polo Foro Económico de Galicia. Baixo a coordinación dos docentes e investigadores da Universidade de Vigo Elisa Alén e Miguel Rodríguez Turismo rural: diagnose e propostas pon de manifesto que o turismo rural segue a ser unha oportunidade, pero aínda existen demasiadas eivas que impiden o seu correcto desenvolvemento.

Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000 | informacion@uvigo.es            Accesibilidade | Mapa web | Aviso Legal