Institucional

xoves 27 de setembro de 2007

Programa de formación para estudantes de máis de 55 anos

Os maiores tamén van a clase

Aínda permanece aberto o prazo de inscrición

Que facer co tempo libre a partir dos 55 anos? Esta é unhas das preguntas que máis dun xubilado e prexubilado se fai ao chegar a esta etapa da vida. Como alternativa enriquecedora para encher as horas de ocio, a Universidade, a través da Vicerreitoría de Formación e Innovación Educativa, ofrece o Programa de Maiores. Trátase dun proxecto que, inserido nas Aulas de Formación Aberta, nace co obxectivo de promover o coñecemento científico e cultural nas persoas maiores.

xoves 27 de setembro de 2007

Dirixida polo profesor Jose Manuel García Vázquez

A cátedra Eurorrexión afondará na relación entre Galicia e o norte de Portugal

Coa finalidade de dar unha resposta social e instutucional ás relacións que manteñen Galicia e o norte de Portugal, a Universidade de Vigo e Caixanova crean unha nova cátedra que estará arroupada por un conxunto de actividades orientadas a incrementar os vínculos que existen na eurorrexión.
Precisamente o Reitor da Universidade de Vigo, Alberto Gago, referiuse a eurorrexión como “unha realidade que vai máis alá dos factores institucionais”, e aportou datos relevantes como que o 50% do tránsito de vehículos lixeiros e o 30% do de mercadorías entre España e Portugal, prodúcese na área xeográfica formada por Galicia e o norte de Portugal. Asemade, confirmou Gago, “Galicia é o mellor cliente rexional de Portugal do que importa 2.000 millóns de euros de mercadorías, mentres que o país veciño importa de Galicia un 15% de todas as nosas exportacións”.

mércores 26 de setembro de 2007

Poden consultarse millón e medio de ofertas

O autobús Eures visita o campus para informar aos estudantes sobre emprego en Europa

Preto de un millón e medio de oportunidades de emprego para toda Europa. Está é a oferta coa que se atopan as persoas que estes días visitan o “Eures Tour”, un autobús da Consellería de Traballo que este mércores se achegou ao campus de Vigo a modo de oficina itinerante para informar aos estudantes das oportunidades de emprego máis aló das nosas fronteiras.

mércores 26 de setembro de 2007

Acto de benvida aos novos alumnos

A directora Xeral de Transportes da Xunta da Galicia inaugurou o curso na Escola Universitaria de Estudos Empresariais

A E U de Estudos Empresariais acolleu o acto de recepción e benvida aos novos alumnos que comezaban este ano a súa carreira. A directora xeral de Transportes da Xunta de Galicia, Mar Chao López, foi a encargada de impartir a lección inaugural e de achegalos ao mundo laboral. No seu relatorio, Chao analizou diversos conceptos que, como ela mesma sinalou, “estudaredes máis detalladamente ao longo destes anos e empregaredes constantemente na vosa vida profesional”.

mércores 26 de setembro de 2007

A Universidade presentou o primeiro curso de posgrao orientado a formar desempregados

Varios titulados regresan ao Campus para converterse en especialistas en Dependencia

As clases teóricas impartiranse na Facultade de Ciencias da Educación a partir desta semana

Co fin de paliar a escaseza de programas docentes específicos na área de Atención á Dependencia e complementar a formación, especialmente, daqueles titulados que se atopan no paro, esta semana comezará o “Curso de Especialista Universitario en Intervención e Atención a Persoas con Dependencia”. A primeira acción formativa e presencial que se fai en Galicia dende unha Universidade para converter aos desempregados en especialistas.

martes 25 de setembro de 2007

O Reitor, Alberto Gago, explicou as novidades do ano académico

21.500 alumnos inician o curso nos tres campus

A Universidade de Vigo iniciará este curso, en tres ou catro titulacións, os cambios necesarios cara á adaptación ao Espazo Europeo de Educación Superior. O proceso, segundo confirmou hoxe Alberto Gago, iniciarase por titulacións que pola súa exclusividade non interfiran na oferta xeral do Sistema Universitario Galego e comezará no momento que determine a Consellería de Educación que proximamente convocará unha comisión para falar deste asunto.
O Reitor lembrou que a lei marca o curso 2010/2011 como o da fin das matriculacións no sistema actual, polo que chegada esa data a reforma das titulacións ten que estar feita.
Sobre os títulos de máster, Gago, avanzou que para este curso a Universidade de Vigo ten 20 propostas ás que resulta inviable dar saída na súa totalidade polo seu elevado número.

martes 25 de setembro de 2007

O curso comeza con importantes novidades no eido das infraestruturas

O ano académico iníciase con importantes novidades nas infraestruturas da institución. No campus de Vigo está previsto o remate das obras do Módulo Tecnolóxico Industrial de CITEXVI, así como a resolución do concurso do proxecto de Vías Elevadas. Antes do remate do primeiro cuadrimestre será inaugurado o Centro de Investigación, Transferencia e Innovación, CITI, no Parque Tecnolóxico de Galicia en Ourense, centrado na investigación agroalimentaria. En Pontevedra, o edificio de Ciencias da Educación e do Deporte entrará na terceira fase coas obras do módulo de departamentos e laboratorios e os vestiarios.

martes 25 de setembro de 2007

Na EU de Enxeñaría Técnica Forestal

Xornada de portas abertas para os alumnos de primeiro curso

A EUET Forestal acolleu o acto de presentación do curso académico 2007-2008 aos alumnos matriculados en primeiro. O obxectivo era dar a benvida aos novos estudantes e presentarlles a Universidade e a titulación que acaban de escoller. Ao longo da sesión, ademais das explicacións do director da Escola e dos subdirectores, Carlos Basalo e Henrique Lorenzo, os alumnos recibiron numerosa documentación onde se detallaban aspectos como plano de estudos, programas formativos e de intercambio ou as saídas profesionais.

martes 25 de setembro de 2007

Os universitarios gozan do 50% de desconto

Unha nova lanzadeira asegura o transporte continuo ata o campus

Dos autobuses urbanos do Concello de Ourense

A partir de agora aos estudantes do Campus de Ourense resultaralles un pouco máis difícil xustificar as súas tardías á hora de acudir ás clases. A razón, o número 20, nome que recibe a nova lanzadeira disposta polos autobuses urbanos do Concello de Ourense para acudir ao recinto universitario.
Durante todo o curso, todos os alumnos poderán acceder a este percorrido de ida e volta dende o centro da cidade, concretamente, dende o Parque de San Lázaro.

martes 25 de setembro de 2007

Declaracións do Secretario de Estado de Universidades no DUVI

“A énfase hai que poñela na calidade, na diversificación da oferta e a súa ampliación cara a fora”. Miguel Angel Quintanilla, Secretario de Estado de Universidades

O Secretario de Estado de Universidades e Investigación tivo ocasión de coñecer, hai uns días, o campus de Lagoas-Marcosende da Universidade de Vigo. Invitado polo Reitor, Alberto Gago, Miguel Angel Quintanilla, falou, ante unha ampla representación da comunidade universitaria, sobre o proceso de reforma do sistema universitario e da política científica do goberno.
Ano e medio despois da súa toma posesión, o Secretario de Estado de Universidades, analiza nunha entrevista concedida ao DUVI, cuestións básicas para o futuro da universidade como a reforma da LOU, a adaptación ao Espazo Europeo de Educación Superior ou a evolución da ciencia e a investigación.
Quintanilla explica, tamén, nas seguintes liñas, a polémica xurdida o pasado verán despois que afirmase que “ser un gorrón ten sido moi rendible na universidade”, e da “grata sorpresa” que lle causou a súa visita ao campus vigués.

Primeira | Anterior | Seguinte | Última

243 de 244

Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000 | informacion@uvigo.es            Accesibilidade | Mapa web | Aviso Legal