Deportes

luns 22 de outubro de 2007

A vindeira semana xoga na casa ante o Liceo Francés de Madrid

O Universidade de Vigo de Rugby caeu derrotado esta fin de semana ante o Hernani cun resultado de 17-20, pese a que a falta de dous minutos para rematar o partido vencía ao equipo vasco por dous puntos (17-15). O partido, dirixido polo colexiado madrileño Fernández Soria, iniciouse co dominio do equipo da Universidade, sobre todo na segunda metade. Sen embargo, a piques de rematar o partido, perdeu o balón e un xogador do Hernani conseguiu ensaiar, tras recorrer case todo o campo sen que ninguén o aplacase.

venres 19 de outubro de 2007

Enfróntase o domingo ao Hernani

mércores 17 de outubro de 2007

Ao longo do curso están programados 11 itinerarios

Patrimonio e natureza únense ano tras ano na programación dos Roteiros Culturais, organizados polo Servizo de Deportes da Universidade de Vigo. Estas rutas a pé polos paraxes máis representativos de Galicia permiten que se colla da man o contorno natural coa cultura e a historia. O primeiro dos itinerarios terá lugar este sábado 20 de outubro cun percorrido pola Rota das Termas. Con saída en Ourense percorrerase o Castro de Santomé, a Chavasqueira, as Termas de Outariz e volta a Ourense.

luns 15 de outubro de 2007

Esta semana bota a andar tamén un curso de iniciación a este deporte

O Universidade de Vigo de Rugby desputou esta fin de semana o seu primeiro partido da liga 2007-2008 na División de Honra B. Fronte ao Durango e en campo contrario o equipo adestrado por Aníbal Babini perdeu por 26-10. A vindeira semana xogarán o seu primeiro encontro na casa contra o Hernani. Tamen neste días botará a andar un curso de iniciación a este deporte co obxectivo de difundilo entre os universitarios e crear un canteira para o club.

mércores 10 de outubro de 2007

Inicio da liga de rugby

Seis fichaxes, dous deles internacionais, e un novo adestrador. Estas son as apostas do Universidade de Rugby para a tempada que comeza este sábado e na que o seu obxectivo será consolidarse na división de honra B. Despois do abandono de Trotski, o técnico que adestrou ao equipo nos últimos oito anos, chega a Vigo o arxentino Aníbal Babini para continuar cos bos resultados dos últimos anos.
Dun modo paralelo o equipo pretende asentar as escolas deportivas nas que participan estudantes universitarios, fomentando esta disciplina e creando canteira para os vindeiros anos. Ao curso de iniciación que se viña desenvolvendo dende o curso pasado súmase un ciclo de perfeccionamento, ao tempo que continuará a campaña dirixida a escolas.

luns 8 de outubro de 2007

O período de inscrición está aberto ata o vindeiro 19 de outubro

Un ano máis o Servizo de Deportes presenta o programa de Escolas Deportivas para este curso 2007-2008. Cunha ampla oferta de modalidades deportivas nos tres campus esta iniciativa reúne cada ano a máis de 2000 usuarios da comunidade universitaria. Entre a oferta inclúense modalidades innovadoras como muay-thay boran, fitgym, fitball-pilates ou bailes latinos ademais de deportes clásicos como natación ou aeróbic.

xoves 4 de outubro de 2007

O servizo de deportes mediuse á prensa local

As instalacións deportivas do campus de Vigo foron testemuña do partido que enfrontou ao Servizo de Deportes cun improvisado conxunto composto por xornalistas de diferentes medios locais.
O evento, que conta con esta a súa segunda edición, naceu co obxectivo de converterse nun punto de encontro entre membros da Universidade e profesionais dos medios de comunicación.

venres 28 de setembro de 2007

Para os campus de Pontevedra e Vigo

Coa novidade da Bolsa de Xogadores para os que non teñen equipo

O Servizo de Deportes abre o prazo de inscrición nas Ligas Universitarias 2007/08 para os campus de Pontevedra e Vigo. Tanto en categoría feminina como masculina, os campionatos comprenderan as modalidades de baloncesto, balonmán, fútbol sala, fútbol 7, rugby 7 e voleibol. Como gran novidade neste curso estréase a Bolsa de Xogadores, para que os deportistas poidan inscribirse de xeito individual.

mércores 26 de setembro de 2007

Aberto o prazo de solicitudes

martes 25 de setembro de 2007

De volta á competición

Novos adestradores e inocorporacións nos equipos marcan a volta á competición dos clubs de baloncesto feminino e masculino do campus de Ourense. Os rapaces xa comezaron a liga esta fin de semana e con vitoria ante o Estudantes de Lugo por 71-53. Estes puntos son os primeiros no camiño de asegurar a permanencia na I División Nacional. O cadro das mozas, que se estreará a finais do mes de outubro, leva varias semanas adestrando co obxectivo de conseguir de novo o ascenso á categoría autonómica.

Primeira | Anterior

144 de 144

Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000 | informacion@uvigo.es            Accesibilidade | Mapa web | Aviso Legal