Campus de Vigo

venres 20 de abril de 2018

A Universidade comezará a implantar dúas titulacións en inglés no curso 2018/19

Vigo defende o seu modelo de acreditación lingüística do profesorado ante o sistema universitario español

Nas Xornadas da CRUE dedicadas a Internacionalización e Cooperación

A vicerreitora de Estudantes presentou modelo de acreditación da institución académica viguesa para o profesorado que desexa impartir as súas materias en inglés

A vicerreitora de Estudantes da Universidade de Vigo e coordinadora do Documento marco de política lingüística para a internacionalización do sistema universitario español, Dolores González, presentou nas últimas horas nas Xornadas da Conferencia de Reitores das Universidades Española dedicada á Internacionalización e Cooperación, o modelo de acreditación da institución académica viguesa para o profesorado que desexa impartir as súas materias en inglés.

venres 20 de abril de 2018

A HappyGoRunning-Cidade Universitaria celebra a súa 12ª edición

Máis de 600 persoas tomarán a saída este domingo na carreira da felicidade

100 delas participarán na andaina de 10 km e o resto nas probas de 6 ou 10 km

A HappyGoRunning-Cidade Universitaria celebra a súa 12ª edición

Felices por correr, felices por camiñar, felices por gañar, felices por participar... A carreira da felicidade, os 10 km Cidade Universitaria, regresa este domingo ao campus coa celebración da décimo segunda edición da proba. O prazo de inscrición pechouse este mércores e a organización avanza que serán 627 persoas as que tomarán a saída, 100 delas na andaina e o resto nas dúas distancias da carreira: 6,6 km e 10 km.

xoves 19 de abril de 2018

Un equipo da Ecimat traballa neste tema baixo o amparo do proxecto europeo Assemble+

A criopreservación podería supor toda unha revolución para a acuicultura

Investigan con especies que non se empregaron nunca neste tipo de experimentos: o mexillón e a ameixa

Equipo de criopreservación Foto: Pablo Heres

A criopreservación é a día de hoxe unha das técnicas máis aceptadas e con máis proxección de futuro para o mantemento a longo prazo de material biolóxico a temperaturas moi baixas, brindando a posibilidade de desconxelalo, e lograr que sobreviva aos procesos de conxelación e desconxelación. A aplicación destas técnicas de conservación de organismos podería ter límites insospeitados, sobre todo no futuro, tamén no campo da acuicultura, onde a súa aplicación podería supor toda unha revolución. Así o defende o equipo de especialistas que, liderados pola investigadora Estefanía Paredes, traballa desde a Estación de Ciencias Mariñas de Toralla, Ecimat, na investigación de protocolos de criopreservación.

xoves 19 de abril de 2018

Tras doce días, a campaña electoral remata e dá paso mañá á xornada de reflexión

Os candidatos a reitor pechan campaña pedindo apoio para “deseñar a universidade do futuro” e “para gobernar doutro xeito”

Emilio Fernández e Pachi Reigosa sinalan o diálogo como principal demanda da comunidade universitaria

Emilio Fernández e Pachi Reigosa

O proceso electoral para a elección de quen será o sexto reitor da Universidade de Vigo entra na súa recta final co remate hoxe da campaña electoral, que se prolongou durante as dúas últimas semanas. Mañá venres será xornada de reflexión e trala fin de semana, o luns, celebrarase unha votación á que están chamados un total de 20.269 integrantes da comunidade universitaria que poderán elixir, ademais das e dos integrantes dun novo Claustro, o reitor que ocupará o cargo durante os catro próximos anos. Emilio Fernández e Pachi Reigosa, acompañados por algunhas e algúns integrantes dos seus equipo de goberno, fixeron estes xoves balance do traballo desenvolvido nas últimas semanas e aproveitaron para pedir o voto daqueles membros da comunidade universitaria que aínda no se decantaron por apoiar a Ideas que suman ou a H2040.

xoves 19 de abril de 2018

Celebrouse en Cazorla e Vigo estivo representada por Brais Piñeiro e Teresa Bellón

Bo sabor de boca do equipo vigués no Campionato de España Universitario de Orientación

Cun 2º posto entre as universidades que so participaban con dous corredores

Brais Piñeiro

A Universidade de Vigo sigue sumando bos resultados nos Campionatos de España Universitarios deste 2018. O último en celebrarse foi esta semana o de Orientación a Pé, na localidade andaluza de Cazorla. A institución olívica participou na proba con dous corredores, Brais Piñeiro e Teresa Bellón que se mediron a deportistas de outras 30 universidades, entre eles o actual campión de España absoluto, Andreu Blanes ou a vixente campioa de España absoluta na distancia media, Violeta Feliciano, ambos corredores da Universidad Católica de Murcia.

xoves 19 de abril de 2018

Nunha obra interpretada pola Aula de Teatro da Universidad Pública de Navarra

Nove 'Superhéroes de Barrio' fan terapia no campus de Vigo

O 25 de abril continuará a programación teatral coa obra 'Paraíso'

O elenco, formado por actores e actrices da Aula de teatro da Universidad Pública de Navarra

Nove persoas con diferentes medos e frustracións fixeron terapia cun psicólogo este mércores no teatro Vidal Bolaño da Cidade Universitaria. Polo menos iso pareceu coa obra Superhéroes de Barrio, na que actores e actrices da Aula de Teatro da Universidad Pública de Navarra representaron no campus de Vigo unha comedia musical que forma parte da programación teatral da Mostra Internacional de Teatro Universitario –Miteu- prevista para o segundo cuadrimestre.

mércores 18 de abril de 2018

O reitor presentou hoxe o caderno especial que a revista 'Galegos' dedica á obra de Codax

150.000 persoas participaron nas actividades organizadas pola Universidade co gallo da presenza do Pergamiño Vindel en Vigo

Segundo Mato “pasamos con nota o traballo e seguimos a contar coa confianza da Morgan Library”

Foto de familia dalgunhas e algúns do artistas que participan no caderno especial da revista 'Galegos'

Entre os meses de outubro de 2017 e marzo de 2018, nos que se produciu o préstamo do Pergamiño Vindel á Universidade de Vigo por parte da Morgan Library, propietaria das cantigas de Martin Codax, a institución académica desenvolveu máis de 60 actividades de difusión, formación e institucionais, nas que participaron máis de 150.000 persoas. O reitor Salustiano Mato foi o encargado este martes de facer balance das accións programadas pola Universidade de Vigo durante os meses que o manuscrito permaneceu no Museo do Mar, como peza central da exposición Un tesouro en sete cantigas, desenvolvida en colaboración da Xunta de Galicia e que foi visitada por 50.000 persoas.

mércores 18 de abril de 2018

Segundo os resultados dun estudo presentado nas Xornadas PrevenT, coorganizadas co Injuve

Obesidade, tabaquismo e sedentarismo revélanse como as tres grandes ameazas para a saúde da mocidade

A actividade contou coa participación dun cento de persoas e nela coincidiron estudantes e profesionais

Participantes na presentación institucional das xornadas

 Obesidade, consumo de tabaco e sedentarismo son a día de hoxe os tres principais factores que ameazan a saúde de mozos e mozas. Estes son só algún dos resultados dun estudo presentado esta mañá no campus de Vigo ao abeiro das Xornadas PrevenT, coorganizadas polo Instituto de la Juventud (Injuve) e a Universidade de Vigo e na que coincidiron algo máis dun centenar de persoas que tiveron a oportunidade de asistir a toda unha serie de charlas e actividades deseñadas para fomentar un estilo de vida saudable e para dar a coñecer as principais medidas de saúde pública baseadas na prevención dos principais factores de risco.

mércores 18 de abril de 2018

Foron elixidos por público e xurado como mellor grupo universitario deste ano

Cool Cucumbers volven triunfar no Ensaiamos Colleita 2018

Tras gañar en 2015 e 2016, tiveron un parón ao estar no estranxeiro con programas de mobilidade

Cool Cucumbers durante o concerto de onte mércores

Tras un ano de parón musical obrigado, a banda universitaria Cool Cucumbers volveu neste 2018 aos escenarios con forza, tanta que volveron impoñerse como mellor grupo no Festival Ensaiamos, organizado pola Vicerreitoría de Extensión Universitaria e Relacións Internacionais para poñer en valor a creatividade e calidade musical dos grupos e solistas da comunidade universitaria.

mércores 18 de abril de 2018

Este 18 de abril celébrase o Día Internacional dos Monumentos e Sitios

Un percorrido polos descoñecidos xacementos arqueolóxicos do campus de Vigo

O Grupo de Innovación Docente en Educación Patrimonial está a preparar unha visita interpretativa pola zona

Traballos arqueolóxicos realizados en 2011

O 18 de abril é o Día internacional dos Monumentos e Sitios, unha conmemoración que neste 2018 ten como lema #heritage4generations. Pero non é necesario desprazarse lonxe para poder coñecer o patrimonio cultura e histórico e, de feito, o campus de Vigo agocha segredos, algúns descoñecidos para a inmensa maioría da cidadanía, pero que son unha mostra de que esta zona estivo habitada dende hai milenios. Unha necrópole megalítica, silos prehistóricos... todos estes elementos foron en 2011 incluídos nun proxecto para a valoración do patrimonio cultural das parroquias de Candeán, Zamáns e Saiáns e algún deles conta na actualidade con paneis informativos que permiten coñecer un pouco mellor a historia desta zona.

Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000 | informacion@uvigo.es            Accesibilidade | Mapa web | Aviso Legal