Campus de Pontevedra

martes 24 de abril de 2018

A exposición fotográfica ‘Amar non é delito’ pode verse en Ciencias da Educación e do Deporte

Amnistía Internacional amosa no campus os rostros da loita contra a homofobia e a transfobia en África

A organización promove esta tarde un coloquio sobre os dereitos do colectivo LGTBI

A exposición fotográfica ‘Amar non é delito’ pode verse en Ciencias da Educación e do Deporte

Rostros como os de James Mwape e Philip Mubiana, dous mozos de Zambia que permaneceron máis dun ano en prisión preventiva por ter mantido “relacións carnais mutuas” protagonizan as fotografías que nestas semanas Amnistía Internacional exhibe na Facultade de Ciencias Sociais e da Comunicación. Da man do seu grupo de Pontevedra, pode verse na cidade a mostra Amar non é delito: a nosa loita en África, unha exposición fotográfica integrada por 27 láminas que aborda a loita polos dereitos humanos das persoas LGTBI en diferentes países africanos.

martes 24 de abril de 2018

Docentes de diferentes países imparten unha serie de conferencias nesta facultade

Turquía e as identidades dixitais abren a semana internacional de Ciencias Sociais e da Comunicación

O investigador turco Murat Seyfi impartiu o primeiro dos relatorios

 Conferencias en inglés centran o programa desta iniciativa

A evolución dos e das profesionais das relacións públicas en Turquía ao longo das últimas décadas e a “segregación socio-espacial” que poden xerar as tecnoloxías da información e da comunicación e as redes sociais foron os dous temas cos que, da man do investigador turco Murat Seyfi, da Gaziosmanpaşa Üniversitesi, a Facultade de Ciencias Sociais e da Comunicación deu inicio este martes á súa International Week. Inserida no plan de internacionalización do grao en Dirección e Xestión Pública, esta semana ten como obxectivo impulsar as relacións internacionais da facultade.

martes 24 de abril de 2018

O equipo pontevedrés caeu por 1,5-4,5 fronte aos composteláns, que gañan o título autonómico

O EXP-UVigo cae ante o USC e despídese do campionato

O conxunto universitario mantense en segunda posición, empatado co Xadrez Ourense

O equipo pontevedrés caeu por 1,5-4,5 fronte ao equipo compostelán, que gaña o título autonómico

Na penúltima xornada da competición na División de Honra do xadrez galego, a Casa da Luz acolleu a pasada fin de semana o enfrontamento entre o primeiro e o segundo clasificado, que deixou ao Escola de Xadrez-Pontevedra-Universidade de Vigo-Estratexia pola Paz sen opcións de repetir o título acadado a pasada tempada. O equipo pontevedrés chegaba a esta xornada con catro puntos de desvantaxe con respecto do seu rival, o equipo da USC, que logrou matematicamente o campionato grazas á súa vitoria por 1,4-4,5.

luns 23 de abril de 2018

Os candidatos a reitor chaman á participación da comunidade universitaria

Voto a voto, a Universidade máis preto de elixir novo reitor e Claustro

As mesas pecharán ás 19.00 horas e o escrutinio coñecerase en tempo real

Xornada electoral na EE Industrial

Ás 10.00 horas abrían as 24 mesas electorais nas que, os máis de 20.200 integrantes da comunidade universitaria con dereito a voto, poden exercer o seu dereito para elixir a quen será o sexto reitor da Universidade de Vigo, así como o novo Claustro. A falta de sobres para o PAS rexistrada nun centro e que foi arranxada coa reposición dos mesmos antes do inicio da votación, foi a única incidencia que se produciu ata o momento nunha xornada electoral que se prolongará ata as 19.00 horas. A partir de aí procederase ao reconto e ponderación dos votos, un proceso que poderá seguirse en tempo real a través dunha aplicación á que se pode acceder na páxina web especialmente desenvolvida pola Universidade para este proceso electoral.

venres 20 de abril de 2018

A EE Forestal acolle o vindeiro venres 27 o Atlantic Geospatial Day

Unha xornada afondará no campus nas aplicacións da tecnoloxía xeoespacial no sector forestal

O uso de drones e tecnoloxías láser e as misións Sentinel da ESA centran o programa

 A EE Forestal acolle o vindeiro venres 27 o Atlantic Geospatial Day

Servir como punto de encontro entre desenvolvedores, usuarios e empresas do sector da tecnoloxía xeoespacial é o propósito co que, en 2016, naceu o Atlantic Geospatial Day, unha iniciativa impulsada polo mestrado en Xeoinformática, e que tras celebrar as súas primeiras edicións na EE de Telecomunicación, trasládase o vindeiro venres 27 á Escola de Enxeñaría Forestal. “Este ano orientamos a xornada a un ámbito no que as tecnoloxías xeoespaciais pensamos que poden ter moito percorrido, como é todo o que ten que ver coas ciencias da terra, os recursos naturais e a ordenación do territorio”.

venres 20 de abril de 2018

Nuns comicios aos que concorren partidos creados polo alumnado, a vitoria foi para a formación O Cártel

Máis de 200 persoas participaron nas eleccións ficticias de Ciencias Sociais e da Comunicación

A formación gañadora obtivo 93 votos, rematando en segundo lugar Xeración X con 59

Un intre do reconto de votos

A Universidade de Vigo vive este venres a xornada de reflexión previa á celebracióndas eleccións á Reitoría. Mais na Facultade de Ciencias Sociais e da Comunicación vén de completarse un proceso electoral ben distinto, unhas eleccións ficticias que, no marco das actividades dunha materia do grao en Publicidade e RRPP, enfrontan a catro partidos creados para a ocasión polo alumnado, que se xogan nestes comicios unha parte da súa nota. Comicios nos que O Cártel, unha formación inspirada na serie de televisión Fariña, logrou a vitoria con 93 votos.

xoves 19 de abril de 2018

Especialistas e profesionais do sector literario reúnense no Pazo da Cultura nun foro internacional

Un congreso pon en valor a investigación como o motor para levar a literatura á infancia

Con 125 inscritos e inscritas, céntrase na figura mediadora que selecciona e achega os produtos literarios aos nenos

Especialistas e profesionais do sector literario reúnense no Pazo da Cultura nun foro internacional

“Na base do achegamento da infancia á literatura, as lecturas das que nós lles proveamos van determinar o seu futuro como lectores ou lectoras competentes”, salienta a profesora Isabel Mociño, coordinadora, xunto coa tamén docente da Universidade de Vigo Eulalia Agrelo e a coordinadora do Salón do Libro Infantil e Xuvenil, Eva Mejuto, do I Congreso Internacional de Mediación Lectora, que desde este xoves se desenvolve no Pazo da Cultura. Faino poñendo o foco na importancia da investigación como a chave que achegará unha “formación sólida” aos mediadores e mediadoras, as figuras responsables de proporcionar e recomendar lecturas a nenas e nenos.

xoves 19 de abril de 2018

A Máster Class Audiovisual Galego celebrou a súa clausura en CCSS e da Comunicación

A sétima edición de Augal reuníu a máis de 150 estudantes con profesionais do audiovisual galego

A entrega de diplomas viuse precedida por unha conferencia do guionista Miguel Barros

A Máster Class Audiovisual Galego celebrou a súa clausura en CCSS e da Comunicación. Foto: Jorge Lens

Cun programa integrado por oito proxeccións e a conferencia de clausura que impartiu o guionista Miguel Barros, a sétima edición da Máster Class Audiovisual Galego Augal chegou na tarde deste mércores ao seu remate coa entrega de diplomas aos máis de 150 alumnos e alumnas que participaron nunha actividade formativa que lles permitiu achegarse a algunhas destacadas producións audiovisuais galegas nas verbas dos seus realizadores e realizadoras ou de integrantes dos seus equipos técnicos. “Contamos con películas importantes como Dhogs ou a curta Matria”, lembraba Paulino Pérez, coordinador xunto con Miguel Anxo Fernández e Fortunato Rodríguez dunha master class que conta co patrocinio da Agadic.

mércores 18 de abril de 2018

Emilio Fernández e Pachi Reigosa debateron durante máis de dúas horas na Facultade de Fisioterapia

Os candidatos a reitor defenden en Pontevedra a súa idea de Universidade no último debate electoral

Os líderes de Ideas que suman e Horizonte 2040 estiveron acompañados dos candidatos á vicerreitoría do campus

Emilio Fernández e Pachi Reigosa debateron durante máis de dúas horas na Facultade de Fisioterapia

Na xornada previa ao peche da campaña ás eleccións á Reitoría do vindeiro luns 23, o campus de Pontevedra acolleu o terceiro dos debates nos que os candidatos Emilio Fernández, de Ideas que suman, e Pachi Reigosa, de Horizonte 2040, expuxeron as súas propostas e visións sobre o futuro da Universidade de Vigo. Nun debate que congregou a profesorado, persoal de administración e servizos e alumnado na Facultade de Fisioterapia, Reigosa e Fernández estiveron acompañados polos membros do seu equipo propostos para ocupar a Vicerreitoría do campus, Jorge Soto, no caso de Horizonte 2040, e Juan Manuel Corbacho, de Ideas que suman, que se sumaron ao segundo bloque do debate.

mércores 18 de abril de 2018

Nas Xornadas Internacionais de Comunicación Institucional e Imaxe Pública, inauguradas este mércores

Máis de 230 estudantes fórmanse nas claves da linguaxe simbólica do poder

Preto de 20 expertos e expertas participan na 18 edición deste curso en CCSS e da Comunicación

Leal, Baamonde, Santalices e Ramos, no acto inaugural

Con 237 alumnos inscritos e inscritas, o XVIII Curso Complementario de Comunicación e Protocolo-VII Xornadas de Comunicación Institucional e Imaxe Pública abríronse na mañá deste mércores na Facultade de Ciencias Sociais e da Comunicación co propósito de promover unha reflexión “con carácter científico e crítico” dunha disciplina que se centra na “linguaxe simbólica do poder, da cortesía e da organización”, como salientou Fernando Ramos, director das xornadas. Preto de 20 especialistas e profesionais protagonizarán as diferentes conferencias do que é “o curso máis antigo da Universidade, que se vén celebrando sen solución de continuidade desde hai 18 anos e tamén o que acada máis alumnado”.

Seguinte | Última

1 de 344

Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000 | informacion@uvigo.es            Accesibilidade | Mapa web | Aviso Legal