Alumnado

xoves 19 de abril de 2018

Alumnado de Educación Social celebrou este xoves as XV Xornadas Interxeracionais

Un día de convivencia no que superar as barreiras de idade e capacidades

A cita reuniu a grupos de estudantes, escolares, persoas con diversidade funcional e maiores

Alumnado de Educación Social celebrou este xoves as XV Xornadas Interxeracionais

Unha xornada de convivencia na que se rachen as barreiras que no día a día separan ás persoas, como poden ser a idade, a formación, as capacidades ou o sexo. Con este reto en mente, alumnado do grao de Educación Social da Facultade de Ciencias da Educación do campus de Ourense volveu este xoves a congregar na Praza Maior de Ourense e noutros espazos da cidade a arredor dun centenar de persoas diversas pero co desexo común de divertirse na mellor compaña nas XV Xornadas Interxeracionais.  

mércores 18 de abril de 2018

Foron elixidos por público e xurado como mellor grupo universitario deste ano

Cool Cucumbers volven triunfar no Ensaiamos Colleita 2018

Tras gañar en 2015 e 2016, tiveron un parón ao estar no estranxeiro con programas de mobilidade

Cool Cucumbers durante o concerto de onte mércores

Tras un ano de parón musical obrigado, a banda universitaria Cool Cucumbers volveu neste 2018 aos escenarios con forza, tanta que volveron impoñerse como mellor grupo no Festival Ensaiamos, organizado pola Vicerreitoría de Extensión Universitaria e Relacións Internacionais para poñer en valor a creatividade e calidade musical dos grupos e solistas da comunidade universitaria.

martes 17 de abril de 2018

Participan na feira 132 empresas e servizos públicos de emprego de 14 países

Máis de 2500 persoas buscan emprego na edición virtual da Finde.U

A cita arrincou este luns e xa se tramitaron máis de 200 entrevistas vía Skype

Participan na feira 132 empresas e servizos públicos de emprego de 14 países

 Máis de 2500 persoas inscritas que demandan emprego, fundamentalmente de Portugal e España, pero tamén do resto de países europeos. Esta semana celébrase a terceira edición da Feira Internacional Virtual de Emprego Finde.U e, a pouco máis de 24 horas desde que abriu as súas portas, as e os visitantes presentaron xa ás máis de 130 empresas participantes preto de 2.900 currículos, concertaron 156 entrevistas vía Skype e hai máis dun cento pendentes de confirmación de horario. Por diante queda o resto da xornada do martes e todo o mércores, xa que as inscricións manteranse abertas ao longo dos tres días que dura a feira.

venres 13 de abril de 2018

As alumnas e alumnos beneficiados estarán liberados do pago da matrícula

A Universidade dedica 125.000 euros a axudas para iniciar estudos de máster

O prazo de presentación de solicitudes manterase aberto ata o 20 de abril

O prazo de presentación de solicitudes manterase aberto ata o 20 de abril

Garantir que todo o alumnado que cumpra as condicións para iniciar estudos de mestrado oficial poida acceder en condicións de igualdade a ditos estudos. Con esta finalidade, a Universidade acaba de facer pública, un curso máis, unha nova convocatoria das bolsas para o inicio de estudos en másteres oficiais no curso 2017/2018, axudas dotadas cun total de 125.000 euros  e coas que a institución académica viguesa busca que ningún alumno ou alumna sexa excluído por razóns económicas nin académicas.

venres 13 de abril de 2018

O reitor destacou que estes galardóns “romperon as barreiras de ámbito e xénero”

11 ideas que soñan con converterse en negocio gañan a 7ª edición dos Premios Incuvi

Mediación Móvil e Ouvir Servizos socioeducativos, gañadores da convocatoria Avanza

Foto de familia dos premiados cos patrocinadores

Deporte, promoción lingüística, cultura, innovación docente, enerxías renovables, aproveitamento forestal, deseño téxtil e aplicacións móbiles. Nestes eidos céntranse as once propostas de emprendemento gañadoras da sétima edición dos Premios Incuvi Emprende, impulsados pola Universidade de Vigo e a Fundación Universidade de Vigo e dirixidos ao estudantado que desenvolve unha idea de negocio creativa baseada en calquera das ramas do coñecemento. Este venres, o reitor da Universidade, Salustiano Mato, entregou os diplomas e as chaves das súas futuras oficinas ás e aos impulsores destes proxectos.

martes 10 de abril de 2018

O alumno Marco Moreira foi un dos seleccionados no programa ‘Creadores 2018’ da Deputación de Málaga

Afondando nas relacións entre a representación e o real desde a Costa do Sol

Ata o mes de xuño, desenvolve a súa residencia artística no centro de cultura contemporánea La Térmica

Marco Moreira é un dos seis artistas seleccionados neste programa da Deputación de Málaga. Foto: La Térmica

Máis de 215 candidaturas concorreron á quinta edición do programa de residencias artísticas Creadores 2018, que impulsa a Deputación de Málaga e que desde hai unhas semanas congrega no centro de cultura contemporánea La Térmica aos seis seleccionados. Entre eles, o alumno de doutoramento de Belas Artes Marco Moreira, quen recoñece como “un privilexio” a súa selección para unha residencia que se completará cunha exposición colectiva a comezos de xuño. Nela, Moreira amosará os resultados dun proceso de traballo que buscará afondar nas “relacións entre a experiencia e o real”.

martes 10 de abril de 2018

No marco da programación da Ourense ICC Week

A 'quedada' informática do campus celebrarase do 3 ao 6 de maio

Este ano incluirá tamén competición de videoxogos e deportes electrónicos

No marco da programación da Ourense ICC Week

A programación da cuarta edición da Ourense ICC Week, que organiza a Deputación de Ourense, xa está pechada e entre os eventos que inclúe está unha nova edición da ‘quedada’ informática que cada ano se celebra no campus. Este ano a cita, que leva o nome de ICC Technium R Encounter, estará acompañada por unha actividade que xirará arredor da competición de videoxogos e deportes electrónicos chamada ICC eSports. As dúas iniciativas, que se desenvolverán baixo o lema ICC Gamers, son froito da colaboración entre a Deputación de Ourense, a Universidade de Vigo, R Euskaltel, a Federación Galega de Automobilismo e Mahou.

luns 9 de abril de 2018

A International Week reúne a 110 estudantes do centro, 12 de Bremerhaven e 15 docentes da UE

Ciencias Empresariais e Turismo celebra a súa semana máis internacional

A actividade celebra a súa oitava edición do 9 ao 13 de abril

A actividade celebra a súa oitava edición do 9 ao 13 de abril

A Facultade de Ciencias Empresariais e Turismo do campus de Ourense celebra desde este luns e ata o venres 13 de abril a súa xa tradicional International Week, que permite ás e aos seus estudantes compartir actividades académicas e lúdicas con alumnado e profesorado estranxeiro. A cita máis internacional deste centro cumpre este curso a súa oitava edición acadando a participación de 110 estudantes propios, 12 da Universidade de Bremerhaven, en Alemaña, e 15 docentes de diferentes países da Unión Europea.  

luns 9 de abril de 2018

Celebrarase entre os días 16 e 18 de abril e xa se inscribiron 1200 demandantes de emprego

A Feira Internacional Virtual de Emprego Finde.U supera este ano os 120 expositores

Hai ofertas procedentes de toda Europa, sobre todo do ámbito tecnolóxico e sanitario

Cartel da feira

 Xa se inscribiron 1200 demandantes de emprego e a previsión é acadar os 3500 da anterior edición. Do 16 ao 18 de abril celébrase a terceira edición da Feira Internacional Virtual de Emprego Finde.U, unha cita pola que xa pasaron máis de 11000 visitantes e 450 empresas e na que este ano participarán máis de 120 expositores, 30 máis ca en 2017: 90 empresas con necesidades de contratación de persoal, 17 servizos/puntos de información relacionados con emprego e mobilidade e 12 xestionadas a través dos diferentes países participantes no ámbito da rede Eures.

luns 2 de abril de 2018

Silvia Marra e Noemí Vidal obtiveron o segundo premio no certame de novos deseñadores

Dúas alumnas de Esdemga, premiadas na Mostra do Encaixe de Camariñas

A súa colección 'Maruxa' carcaterizabase pola combinación de tradicion e contemporaneidade

Silvia Marra e Noemí Vidal obtiveron o segundo premio no certame de novos deseñadores

A converxencia de tradición e contemporaneidade, a través dunha colección que emprega tanto o encaixe como tecidos tan tradicionais coma o liño, que Silvia Marra e Noemí Vidal articularon no seu proxecto Maruxa, serviu a estas dúas alumnas dos Estudos de Deseño Téxtil e Moda de Galicia (Esdemga) para facerse, na noite deste domingo, co segundo premio no certame de deseñadores novos da XXVIII Mostra do Encaixe de Camariñas. “A verdade é que foi unha sorpresa”, recoñece Marra tras saberse unha das premiadas nun certame no que o primeiro premio foi para a colección Royalty, de Jorge Álvarez García.

Seguinte | Última

1 de 173

Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000 | informacion@uvigo.es            Accesibilidade | Mapa web | Aviso Legal