Cultura

mércores 25 de abril de 2018

O experto no personaxe de Hergé Pedro Rey ofreceu un relatorio en Filoloxía e Tradución

Un Tintín que a piques estivo de chamarse Pepito

Afondou nas tradución das obras a 116 idiomas e dialectos

O experto no personaxe de Hergé Pedro Rey ofreceu un relatorio en Filoloxía e Tradución

Tintín, Milú, Hernández e Fernández, o profesor Tornasol... os personaxes de Hergé son de sobra coñecidos, pero o que poucos e poucas saben é que Tintín a piques estivo de chamarse en España Pepito e o profesor Tornasol de ser coñecido como profesor Mariposa. Son algunhas das curiosidades que este mércores descubriu Pedro Rey, experto na obra de Hergé, nun relatorio sobre a tradución que tivo lugar na Facultade de Filoloxía e Tradución. Con esta conferencia ponse fin á exposición sobre Tintín organizada polo grupo de Tradución e Paratradución no centro e na que se recollía parte da colección de Rey, unha da maiores de mundo.

mércores 25 de abril de 2018

Organizado pola Vicerreitoría de Extensión Universitaria e Relacións Internacionais

Apañando e cociñando as plantas silvestres do campus

O curso conta con dous docentes especializados na identificación e no cociñado dos vexetais comestibles de Galicia

Participantes no obradoiro recollendo plantas

A primavera é, por definición, a estación da natureza: as plantas e as árbores espertan do seu letargo e aproveitan as maiores horas de luz en medio dun clima de contrastes entre sol e choiva. É por iso que a nova edición do obradoiro Plantas silvestres comestibles de primavera: identificar, apañar e cociñar, organizado pola Vicerreitoría de Extensión Universitaria e Relacións Internacionais, ten máis sentido que nunca nesta época do ano. Durante os tres meses que dura a actividade –de febreiro a maio- os e as participantes nesta iniciativa aprenden a recoñecer as plantas comestibles.

martes 24 de abril de 2018

A exposición fotográfica ‘Amar non é delito’ pode verse en Ciencias da Educación e do Deporte

Amnistía Internacional amosa no campus os rostros da loita contra a homofobia e a transfobia en África

A organización promove esta tarde un coloquio sobre os dereitos do colectivo LGTBI

A exposición fotográfica ‘Amar non é delito’ pode verse en Ciencias da Educación e do Deporte

Rostros como os de James Mwape e Philip Mubiana, dous mozos de Zambia que permaneceron máis dun ano en prisión preventiva por ter mantido “relacións carnais mutuas” protagonizan as fotografías que nestas semanas Amnistía Internacional exhibe na Facultade de Ciencias Sociais e da Comunicación. Da man do seu grupo de Pontevedra, pode verse na cidade a mostra Amar non é delito: a nosa loita en África, unha exposición fotográfica integrada por 27 láminas que aborda a loita polos dereitos humanos das persoas LGTBI en diferentes países africanos.

venres 20 de abril de 2018

O campus acolleu esta semana un curso de teatro impartido por Javier Valencia

A Miteu supera o seu ecuador lembrando a importancia da formación

A programación da mostra continuará ata o día 28 de abril

O campus acolleu esta semana un curso de teatro impartido por Javier Valencia

O pasado 12 de abril, a XXIII Miteu, a Mostra Internacional de Teatro Universitario de Ourense, arrancou a súa programación. Pasado xa o ecuador desta edición, esta semana a cita incluíu, entre representación e representación, a celebración no campus de Ourense dun Curso de Teatro impartido por Javier Valencia, da Asociación Cultural Anaqueronte, de Perú. Nel, o alumnado tivo a oportunidade de participar nun laboratorio que afondou na actuación e a creación escénica contemporánea.  

xoves 19 de abril de 2018

Nunha obra interpretada pola Aula de Teatro da Universidad Pública de Navarra

Nove 'Superhéroes de Barrio' fan terapia no campus de Vigo

O 25 de abril continuará a programación teatral coa obra 'Paraíso'

O elenco, formado por actores e actrices da Aula de teatro da Universidad Pública de Navarra

Nove persoas con diferentes medos e frustracións fixeron terapia cun psicólogo este mércores no teatro Vidal Bolaño da Cidade Universitaria. Polo menos iso pareceu coa obra Superhéroes de Barrio, na que actores e actrices da Aula de Teatro da Universidad Pública de Navarra representaron no campus de Vigo unha comedia musical que forma parte da programación teatral da Mostra Internacional de Teatro Universitario –Miteu- prevista para o segundo cuadrimestre.

mércores 18 de abril de 2018

Este 18 de abril celébrase o Día Internacional dos Monumentos e Sitios

Un percorrido polos descoñecidos xacementos arqueolóxicos do campus de Vigo

O Grupo de Innovación Docente en Educación Patrimonial está a preparar unha visita interpretativa pola zona

Traballos arqueolóxicos realizados en 2011

O 18 de abril é o Día internacional dos Monumentos e Sitios, unha conmemoración que neste 2018 ten como lema #heritage4generations. Pero non é necesario desprazarse lonxe para poder coñecer o patrimonio cultura e histórico e, de feito, o campus de Vigo agocha segredos, algúns descoñecidos para a inmensa maioría da cidadanía, pero que son unha mostra de que esta zona estivo habitada dende hai milenios. Unha necrópole megalítica, silos prehistóricos... todos estes elementos foron en 2011 incluídos nun proxecto para a valoración do patrimonio cultural das parroquias de Candeán, Zamáns e Saiáns e algún deles conta na actualidade con paneis informativos que permiten coñecer un pouco mellor a historia desta zona.

martes 17 de abril de 2018

CCSS e da Comunicación acolle unha exposición integrada na Semana da Creatividade e da Innovación

Os produtos innovadores ideados por 150 estudantes, en 30 carteis

Unha xornada inserida tamén no programa da semana abordou co PDI o potencial de transferencia do campus

CCSS e da Comunicación acolle unha exposición integrada na Semana da Creatividade e da Innovación

Unha maleta intelixente, un armario electrónico, unha aplicación móbil que compara prezos de supermercados ou un clasificador intelixente do lixo. Son catro das 30 ideas de innovación de produtos que se plasman nos carteis que integran a exposición Talento creativo e innovador, que desde este martes preside a cristaleira do comedor da Facultade de Ciencias Sociais e da Comunicación. Inserida no programa de actividades da Semana Internacional da Creatividade e da Innovación, a exposición mostra os resultados do traballo que 150 estudantes dos tres graos que se imparten no centro.

martes 17 de abril de 2018

Coa representación da obra 'WK', dirixida por Paloma Lugilde

A formación teatral do Campus Terra da USC abre unha nova semana de teatro universitario

As representacións continúan este mércores con ‘Superhéroes de barrio’, da Universidad de Navarra

Un intre da representación no Teatro Vidal Bolaño da Cidade Universitaria

Tras o seu paso pola cidade de Ourense, a compañía de teatro da USC-Lugo abriu este luns unha nova semana de teatro universitario no campus e fíxoo coa representación de WZ, unha peza baseada en textos de Woyzech, obra inconclusa de Bchner, pero coa estética de Kantor. A formación teatral do Campus Terra da USC, dirixida por Paloma Lugilde, foi unha das sensacións do recente Festival de Teatro Universitario de Lugo, tanto pola calidade da proposta escénica, como da narrativa e da interpretativa, e os aplausos tampouco faltaron onte na Miteu Vigo.

luns 16 de abril de 2018

A FFT acolle unha mostra cunha trintena de volumes traducidos do personaxe de Hergé

Para-traducir Tintín ou cando as imaxes cobran vida

Organizada polo programa de doutoramento de Tradución e Paratradución

José Yuste e Óscar Ferreiro ante as vitrinas que conteñen os volumes da exposición

Desde hoxe e durante dúas semanas a voz de Tintín e as dos seus compañeiros de aventuras resoarán nunha trintena de idiomas diferentes no vestíbulo da Facultade de Filoloxía e Tradución da Universidade de Vigo. Organizada polo programa de doutoramento de Tradución&Paratradución (T&P) e o decanato do centro, Del paratexto a la paratradución: la colección de Tintín de Pedro Rey o cuando las imágenes cobran vida é o título da mostra integrada por 32 volumes das aventuras de Titín, editados noutras tantas linguas, aos que se suman cinco figuras, tamén propiedade do tintinófilo galego Pedro Rey, que posúe unha das maiores coleccións do mundo sobre o reporteiro creado polo debuxante belga Georges Rémi, “Hergé”.

luns 16 de abril de 2018

Pontevedra acolle unha serie de actividades articuladas en torno ao Campus Crea S2i

Igualdade e sustentabilidade para dar inicio á Semana Internacional da Creatividade e da Innovación

A Casa das Campás acolle desde este luns a exposición ‘Achegas das mulleres á sustentabilidade do mar’

A Casa das Campás acolle desde este luns a exposición 'Achegas das mulleres á sustentabilidade do mar'

O campus de Pontevedra inicia este luns un amplo programa de actividades articulado en torno aos dous piares do seu proxecto de especialización, Crea S2I, a creatividade e a innovación social e sustentable, fío de unión das preto de vinte propostas que integran o programa impulsado pola Vicerreitoría do campus coa colaboración das diferentes facultades e escolas. A Semana Internacional da Creatividade e da Innovación deu comezo na mañá deste luns coa apertura da exposición Achegas das mulleres á sustentabilidade do mar, primeiro acto dun programa que aglutina conferencias, actividades culturais, obradoiros e sesións de traballo dirixidas ao persoal docente e investigador.

Seguinte | Última

1 de 217

Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000 | informacion@uvigo.es            Accesibilidade | Mapa web | Aviso Legal