Cultura

venres 23 de febreiro de 2018

Coincidindo co 181 aniversario do seu nacemento

A Universidade súmase ás celebracións polo Día de Rosalía de Castro

No campus de Vigo as celebracións céntranse na Facultade de Filoloxía e Tradución

Imaxe xeral da exposición de Rosalía na Facultade de Filoloxía e Tradución

Museos, concellos, asociacións culturais, colexios… e, por suposto, tamén a Universidade de Vigo. Galicia enteira celebra o 24 de febreiro o Día de Rosalía e faino con actividades espalladas por toda a xeografía. Na Universidade as primeiras actividades en pórse en marcha foron dúas exposicións, unha na biblioteca do campus de Ourense, bautizada precisamente como biblioteca Rosalía de Castro, e outra na de Filoloxía e Tradución. É o punto de arranque dunha semana de celebracións que terá o seu punto álxido o día 27.

venres 23 de febreiro de 2018

A Vicerreitoría do campus promove ‘6 días, 6 poetas’, que se desenvolverá do 5 ao 10 de marzo

Un ciclo de poesía traerá a Pontevedra tres premios nacionais

Ángeles Mora, Eloy Sánchez Rosillo e Miguel d´Ors son tres dos participantes no ciclo que acollerá a Casa das Campás

‘6 días, 6 poetas’ desenvolverase entre o 5 e o 10 de marzo na Casa das Campás

Ángeles Mora, Premio Nacional da Crítica e Premio Nacional de Poesía; Eloy Sánchez Rosillo, tamén Premio Nacional da Crítica en Poesía; o tamén recoñecido con este galardón Miguel d´Ors; Pedro Sevilla; José Cereijo e Amalia Bautista. Estes son as e os seis protagonistas da semana da poesía que a Vicerreitoría do campus promoverá na Casa das Campás entre o 5 e o 10 de marzo, seis días nos que a Casa das Campás acollerá unha serie de encontros nos que estes seis poetas e poetisas recitarán algúns dos seus versos e protagonizán un coloquio co público asistente.

xoves 22 de febreiro de 2018

O especialista en lírica trobadoresca Xosé Xabier Ron interveu nos 'Xoves do Vindel'

Na procura do significado do apelido Codax

Centrouse na onomástica na lírica trobadoresca e no nome do autor do pergamiño

Xosé Xabier Ron centrouse na onomástica na lírica trobadoresca e no nome do autor do pergamiño

A través dunha ollada reflexiva sobre o nome dos trobadores, como chegaron a nós, a través de que testemuños e as dificultades que espertan, o especialista en lírica trobadoresca Xosé Xavier Ron ofreceu hoxe no ciclo Os Xoves do Vindel, un relatorio no que abordou a onomástica na lírica trobadoresca, con especial referencia ao nome de Martin Codax. “A día de hoxe, aínda permanece a dúbida sobre o significado concreto do apelido, xa que un personaxe que rexistramos en dous documentos de 1275 e 1278 do mosteiro de Santa María de Oia, Fernan Codaz, no momento actual da nosa investigación, non nos permite establecer se Codaz é un alcume ou un patronímico.

mércores 21 de febreiro de 2018

Este mércores inaugurouse no campus a exposición ‘Sustentabilidade en feminino’

Un mar de mulleres visibles

A mostra quere reivindicar as súas achegas a este sector

Este mércores inaugurouse no campus a exposición ‘Sustentabilidade en feminino’

Despois do seu paso polos campus de Vigo e Pontevedra, este mércores chegou ao campus de Ourense a exposición Sustentabilidade en feminino: achegas das mulleres á sustentabilidade do mar. A iniciativa pretende darlle visibilidade ás mulleres que traballaron e traballan en oficios relacionados co mar, como redeiras ou mariscadoras, pero tamén ás mulleres que dedicaron e dedican a súa vida á investigación mariña, como as oceanógrafas Ángeles Alvariño e Aida Fernández Ríos.  

mércores 21 de febreiro de 2018

Membros de Ibuprofeno Teatro difundiron este programa do Concello nos diferentes centros

Noites Abertas percorre o campus con ritmo mexicano

O reparto de folletos completouse con propostas teatrais e improvisacións

A 'noiva' repartindo información en CC da Educación e do Deporte

A lombos dunha bicicleta, acompañados de música mexicana e con estética fúnebre, dous noivos percorreron este mércores as facultades e escolas do campus. Fixérono para achegar á comunidade universitaria á décimo novena edición de Noites Abertas, o programa do ocio xuvenil que promove a Concellería de Xuventude. Dous integrantes da compañía Ibuprofeno Teatro foron os encargados deste percorrido polo campus, no que o reparto de información se viu completado con números teatrais, improvisacións e a interacción coa comunidade universitaria. 

mércores 21 de febreiro de 2018

O grupo disolveuse en decembro e este será o seu primeiro concerto esporádico

Retómase a programación cultural cun concerto da banda Chotokoeu

A actuación será o vindeiro mércores 28 ás 18.30 horas no Teatro Vidal Bolaño

O concerto será o vindeiro mércores 28 de febreiro ás 18.30 horas

Logo de anunciar a súa disolución nunha xira que pechou en decembro do ano pasado, a banda Chotokoeu xúntase por primeira vez no que será o seu primeiro concerto esporádico. O escenario será o Teatro Vidal Bolaño da Cidade Universitaria o vindeiro mércores 28 de febreiro ás 18.30 horas nun concerto que marcará o punto de arranque da programación cultural do segundo cuadrimestre, organizada pola Vicerreitoría de Extensión Universitaria e Relacións Internacionais, e que sempre comeza cunha actuación musical.

mércores 21 de febreiro de 2018

Nun relatorio en Filoloxía e Tradución encadrado nas actividades co gallo da visita do Pergamiño Vindel

O académico da RAG Henrique Monteagudo reflexiona sobre as variantes lingüísticas nas Cantigas de Martin Codax

O trobador empregou por primeira vez o verbo 'mirar' en lugar de 'ver', rexistro singular actual do sur de Pontevedra

Luis Alonso Bacigalupe, Henrique Monteagudo e Bieito Arias

 As sete cantigas do Pergamiño Vindel agochan pistas de variantes lingüísticas que axudan a coñecer máis a fondo a Martin Codax e o contexto xeográfico e temporal da súa escrita. Sobre as súas características gráficas, léxicas, morfosintácticas e fonéticas reflexionou este mércores na Facultade de Filoloxía e Tradución o profesor da Universidade de Santiago de Compostela e secretario da Real Academia Galega, Henrique Monteagudo. O seu relatorio encádrase dentro do programa de actos organizado co gallo da exposición do Pergamiño Vindel en Vigo, que continúa mañá cos Xoves do Vindel.

xoves 15 de febreiro de 2018

Promovido pola Vicerreitoría, a súa inscrición está aberta a toda a cidadanía

Un taller permitirá afondar nas posibilidades da impresión 3D

Trátase dun curso de 30 horas, que se desenvolverá na EE Forestal nas tardes dos martes

O taller dá continuidade a un obradoiro celebrado o pasado cuadrimestre

Ir máis aló dos filamentos que de forma xeral se empregan ns impresoras 3D e explorar as posibilidades que outorgan diferentes tipos de materiais é un dos obxectivos centrais do Taller de impresión 3D que a Vicerreitoría do campus promove para este segundo cuadrimestre, complementando o programa de obradoiros de Extensión Universitaria abertos a toda a cidadanía. O curso, que busca servir como continuación ao obradoiro centrado nestas tecnoloxías, mantén aberta desde esta semana a súa inscrición na plataforma Culturxest, e desenvolverase na Escola de Enxeñaría Forestal.

xoves 15 de febreiro de 2018

BBAA acolle a exposición fotográfica ‘Sen Moldes’, na que o alumnado cuestiona a orde sexual imposta

18 reflexións sobre xénero que rachan cos moldes normativos

Comisariada por Mar Caldas e Carlos Tejo, parte dun exercicio proposto ao estudantado o pasado curso

A exposición xa pode verse no primeiro andar da Facultade

Empregar a fotografía para reflexionar sobre cuestións de xénero, para abordar a orde sexual imposta, foi o exercicio final que os profesores Mar Caldas e Carlos Tejo propuxeron ao alumnado de Belas Artes. Unha selección de 18 dos traballos presentados o pasado curso integran a exposición Sen Moldes, comentarios fotográficos sobre os xéneros, que exhíbese actualmente nesta facultade. A violencia machista, as relacións de dominación, o corpo e a sexualidade ou o xeito de representar a muller son algunhas das cuestións abordadas nunha exposición que busca “saír dos moldes establecidos". 

mércores 14 de febreiro de 2018

A Biblioteca Rosalía de Castro dedica o seu espazo temático a este país

Os amantes da cultura xaponesa tamén teñen o seu recuncho no campus

A selección de obras expostas abrangue tanto autores clásicos como actuais

A Biblioteca Rosalía de Castro dedica o seu espazo temático a este país

Unha das culturas que máis fascinación suscita alén das súas fronteiras é a xaponesa. Conscientes deste interese e máis concretamente no referido á literatura feita por escritores e escritoras do país nipón, a Biblioteca Rosalía de Castro do campus de Ourense vén de dedicarlle o seu último recuncho temático. Nel, clásicos da literatura xaponesa mestúranse con autores moi populares na actualidade co obxectivo último de espertar o interese de potenciais lectores.  

Seguinte | Última

1 de 212

Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000 | informacion@uvigo.es            Accesibilidade | Mapa web | Aviso Legal